وەقفی ئەڤیندارێن پێغەمبەر: دەبێت ئیدارەی کەرتی رۆژئاوا کۆتایی بە سیاسەتە ڕێگەپێدراوەکانی ئەمریکا بهێنێت و بەرپرسیارێتی خۆی جێبەجێ بکات
![وەقفی ئەڤیندارێن پێغەمبەر: دەبێت ئیدارەی کەرتی رۆژئاوا کۆتایی بە سیاسەتە ڕێگەپێدراوەکانی ئەمریکا بهێنێت و بەرپرسیارێتی خۆی جێبەجێ بکات وەقفی ئەڤیندارێن پێغەمبەر: دەبێت ئیدارەی کەرتی رۆژئاوا کۆتایی بە سیاسەتە ڕێگەپێدراوەکانی ئەمریکا بهێنێت و بەرپرسیارێتی خۆی جێبەجێ بکات](/img/NewsGallery/2024/8/30/413345/FeaturedImage/e92384d1-c92f-4d37-9639-14ec25f46d82.webp)
وەقفی ئەڤیندارێن پێغەمبەر راگەیاند کە رژێمی داگیرکەر هەوڵی دەدات کۆمەڵکوژییەکەی لە غەززە ئەنجام دەدات بگوازێتەوە بۆ کەرتی رۆژئاوا و لوبنان و بانگێشتی کرد کە کەرتی رۆژئاوا بەشداری لە ریزی بەرخۆدان بکات.
وەقفی ئەڤیندارێن پێغەمبەر کە دوای دەستپێ کردنی ئۆپڕاسیۆنی تۆفانی ئەقسا هەموو هەفتەیەک بۆ پشتگری لە بەرخۆدانی غەززە گردبوونەوەیەک رێکدەخات ئەم هەفتەیەش رۆژی پێنجشەممە کاتژمێر ٢١:٠٠ گردبوونەوەیەکی رێکخست.
عومەر چەلیک سەرۆکی پلاتفۆرمی کاروانی شەهیدەکان لە میانەی بەشداری لە بەرنامەکە وتارێکی پێشکەش کرد و باس لە گرنگی ئومێدواربوون کرد.
"کۆمەڵگاکانی کە هیوایان لە دەستداوە تەواوی شتەکانیان لە دەست داوە و لە ئەنجامدا بوونەتە کۆیلەی زاڵمەکان"
عومەر چەلیک وتی، "پەروەردگارمان لە قورئانی کەریم فەرمانی ئومێدی بەو کەسانە بەخشیوە کە لە رێگای خودادا موجادەلە دەکەن و فەرمانی کردووە کە ئومێدوار بین. ئەگەر مرۆڤ ماڵ و خانوو و وڵاتەکەی لە دەست بدات دەتوانێت دووبارە بە دەستی بهێنێت بەڵام ئەگەر ئومێدەکەی لە دەست بدات تەواوی شتەکانی لە دەست دەدات. کۆمەڵگاکانی کە هیوایان لە دەستداوە تەواوی شتەکانیان لە دەست داوە و لە ئەنجامدا بوونەتە کۆیلەی زاڵمەکان. ئەو ئومێدەیە کە مرۆڤ پەروەردەی دەکات و مرۆڤەکان بە زیندووی دەهێڵێتەوە و ڕۆحی تێکۆشانیان پێدەبەخشێت و دەیانگەیەنێتە سەرکەوتن."
عومەر چەلیک لە بەردەوامی وتی، "لە مێژووی ئیسلامدا ٣ قصە هەن کە فێری مومینەکان دەکات کە چۆن ئومێدوار بن. یەکێک لەوانە ئەو رووداوەیە کە حەزرەتی موحەممەد صلى الله عليه و سلم باسی لەو شوێنانە کرد و مژدەی پێدا کە دینی ئیسلام دەتوانێت پێی بگات، لە کاتێکدا تەنها حەزرەتی فاتیمە دەیتوانی بە هانایەوە بێت کاتێک تریپی وشتر فڕێ درایە سەری ئەو لەکاتێکدا دەچوو بۆ کەعبە. دووەمیان پرسی ئەو فەرموودانەیە کە لە کاتی کۆچکردن لە مەککەوە بۆ مەدینە بە سورقای گوتووە سەبارەت بە ژینگەی متمانە و ئاسایش کە دەکرێت لە داهاتوودا دروست بکرێت و ئەو سەرکەوتنانەی کە موسڵمانان بەدەستی دەهێنن."
"ئەو شتەی ١١ مانگە هێزی وەستانەوە لە دژی موستەکبیرانی جیهانی بەوان داوە ئومێدواربوونە بە خودا"
چەلیک لە بەردەوامی باس لە تێکۆشانی مسوڵمانەکانی غەززەیی و ئومێدواربوونیان کرد و وتی، "ئەگەر ئەو ەکسانەی ئەمڕۆ لە غەززە بۆ خۆشنوودی خودا شەڕ دەکەن لە قوتابخانەی سیەری پێغەمبەر پەروەردە نەبوانە چۆن دەیاندەتوانی ١١ مانگ برگە بگرن. نەوەیەکی پیرۆز کە دەرسەکانیان لە پێغەمبەری خودا وەرگرتن و ئەسحابەکانی سەردەمی ئێمەن... ئەو شتەی ١١ مانگە هێزی وەستانەوە لە دژی موستەکبیرانی جیهانی بەوان داوە ئومێدواربوونە بە خودا. زاڵمەکان و بەڕێوبەرانی خائین وەک شەڕی ئەحزاب غەززەیان گەماڕۆ داوە."
چەلیک لە بەردەوامی وتی، "پێغەمبەرەکەمان لە شەڕی خەدەق موژدەی کۆشکەکانی یەمەن، کیسرا و بیزانسی دابوو. ئەو ٣ شوێنەی پێغەمبەری خودا باسی کردبوو زلهێزەکانی سەردەم بوون. وەک ئەمریکا و بەریتانیا و رووسیا ئێستا. خودا لە ئایەتی ١٣٩ی سورەتی ئال عیمران دەفەرموێ، 'با سستی ڕووتان تێ نەکا و خەمیش مەخۆن. هەر ئێوەن کە سەردەکەون، ئەگەر بڕواو بە خوا هەیە.' ئەمڕۆ لە غەززەوە بانگ لە تەواوی دونیا دەکەن و دەڵێن، 'ئێمە سەردەکەوین و ئیسرائیل دەڕوخێت.' لە دڵەوە باوەڕ دەکەین و ئیمان دەهێنین کە سەرکەوتن هی براکانمان لەوێ و هی باوەڕدارانە. ئەمریکا، ئیسرائیل و نۆکرەکانیان دەڕوخن! وەک پێغەمبەرەکەمان هەزار و ٤٠٠ ساڵ پێشتر موژدەی داوە."
چەلیک لە کۆتاییدا وتی، "ئەوەی بۆمان گرنگە؛ ئێمە لە کوێین و دڵمان بۆ کێ لێدەدات، دەنگەکان بۆ کێ بەرز دەبێتەوە، پارەکانمان بۆ کێ خەرج دەکرێت و بۆ کێ دەگرین؟ ئەوەی گرنگ هەڵوێستەکامە! با بە دەنگی بەرزی مونافیقان و دوژمنانی ئیسلام و تۆمەتەکانیان ئێمە نائومێد نەکات! شەرمەزار بن ئەگەر دەنگمان لە دەنگی ئەوان بەرزتر نەبێت، ئەگەر ئێمە لە شەقام و بۆنەدا نەبین بۆ بەرگریکردن و پاراستن زیاتر لەوان! سوێند بە پەروەردگار ذوالجلال کە خەڵکی غەززە رزگاریان بووە و میراتگری بەهەشتن."
"ئاخ بۆ ئەوانەی پەیوەندی و بازرگانی لەگەڵ زایۆنیستەکان ناپچڕێنن"
دوای وتارەکەی چەلیک، ئیسماعیل دالقلچ لە سەر ناوی وەقفی ئەڤیندارێن پێغەمبەر راگەیەندراوی میدیایی خوێندەوە.
دالقلچ ئاماژەی بەوە کرد کە تێکۆشان پێویستیی بە سەر و هەوڵ هەیە و خودا لەمبارەیە تەواوی مومینەکانی بەرپرسیار کردووە و بە تەنها هشتنەوەی غەززە و فەلەستین و بەرەی بەرخۆدان بە واتای بەجێ هشتنی ئەم بەرەیە و هەڵاتن لە بەرپرسیارێتییە.
دالقلچ ئاماژەی بەوە کرد کە قودس دۆزی تەواوی ئوممەتە و دواتر وتی، "ئەمە دۆزی هەموومانە. ئەم تێکۆشانە بۆمان تێکۆشانی مان و نەمانە. وەرن پێکەوە بە سەر پێشبرکێ بکەین! وەرن پێکەوە پاسەوانی لە ئەقسا بکەین! لە کاتێکدا کە بەرەی کوفر و ستەم پێکەوە لە دژی ئوممەت دەوەستن ئاخ بۆ ئەو کەسانەی کە هێشتا دەرگاکانی دووبەرەکی دەکەنەوە کە دەبێتە هۆی لە ناوچوونی یەکێتیی ئوممەت! ئاخ بۆ ئەوانەی کە بە ئاشکرا و بە نهێنی پشتیوانی سەهیۆنییەکان دەکەن، ئەوانەی پەیوەندی و بازرگانی لەگەڵ سەهیۆنییەکاندا نابڕن و ئەوانەی لە تەنیشت وەستاون و بە ڕێبازێکی ڕیالپۆلیتیک سەیری جینۆساید دەکەن."
ناوبراو لە بەردەوامی وتی، "چەتەی سەهیۆنی کە لە دەرەوەی غەززەش بەردەوامە لە سیاسەتی جینۆساید و داگیرکەری؛ لە کەرتی رۆژئاوا و لوبنانیش بەردەوامە لە کۆمەڵکوژی و بۆردومان کردنی نیشتەجێگاکان و بۆ جووەکان دەست بە سەر زەوییەکانی فەلەستینییەکاندا دەگرن و خانووکانیان دەڕوخێنن. ئیدارەی کەرتی ڕۆژئاوا کە ڕۆژ لە دوای ڕۆژ هێرش و کۆمەڵکوژی دژی خەڵکی مەدەنی بێ دیفاع لە زیادبووندایە، پێویستە بە کۆتایی هێنان بە سیاسەتی ڕێگەپێدراوی سەهیۆنییەکان و ئەمریکا بەرپرسیارێتی خۆی جێبەجێ بکات و نابێت ببێتە ئامرازێک بۆ گوشار و بەربەست لە دژی ئەو فەلەستینیانەی کە مافی خۆیان بە کاردەهێنن بەرگری لە خۆیان دەکەن و لە لای بەرخۆدانن."
"تەنانەت لە هەموو هەلومەرجێکی نەرێنیشدا نائومێدی ناتوانێت کاری ئیمانداران بێت"
دالقلچ باسی لەوە کرد کە رژێمی داگیرکەر تیرۆرکردنەکان لە جوگرافیای ئوممەت زیاد دەکات و پلانەکانیان لەبارەی ئوممەت ناشێرنەوە و وتی، "جگە لە شەهید و بریندارەکان رۆژانە هەزاران برامان دەستبەسەر دەکرێن و تووشی ئەشکەنجەکانی قورس دەکرێن. رژێمی داگیرکەر و ئەمریکا پلان دادەڕێژن بە دانوستانەکانی ئاگربەست داگیرکاری بەردەوامی بکەن. دەبێت مسوڵمانەکان لەبارەی ئەم رەوشە ئاگادار بن و ئەو کەسانەی بەڕێوبەرایەتی و هێز لە دەستیاندایە نەبنە ئامرازێک بۆ ئەم پلانانەی خەبیسانە."
دالقلچ لە کۆتاییدا ئاماژەی بەوە کرد کە دەبێت پڕۆژەیاسای سزادانەوەی سەهیۆنییەکانی هاوڵاتیی تورکیان هەرچی زووە پەسەند بکرێت و جێبەجێ بکرێت و دواتر وتی، "تەنانەت لە هەموو هەلومەرجێکی نەرێنیشدا نائومێدی ناتوانێت کاری ئیمانداران بێت. وەک وەرگرانی فەرمانی ئیلاهی، هەموومان پابەندین بە سەبر و کۆڵنەدان درێژە بە خەباتەکەمان بدەین. دەبێت هۆشیاری و بەرخۆدان بە بەردەوامی و زیندوو بهێڵینەوە بە دانانی غەززە و ئەقسا لە لوتکەی ئەجێندامان لە هەموو بوار و زەمینەیەکدا. پێویستە هەموو ئامراز و وزەمان کۆبکەینەوە بۆ کۆکردنەوەی هەموو داینامیکی ئوممەت بە یەکگرتوویی و یەکڕیزی. پێویستە لە بەرەی خۆڕاگریدا کە ڕۆژانە بە خوێنی شەهیدان بەهێزتر دەبێت، جێگەی خۆمان بگرین و ببینە هێڵێکی یەکگرتوو."(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
دەزگای خێرخوازی کاروانی ئومێدی دیاربەکر پێش لە دەستپێ کردنی ساڵی خوێندنی ٢٠٢٤-٢٠٢٥ هاوکاری کەلوپەڵی نووسین بە سەر سەدان قوتابی دابەش کرد.
مامی نارین گوران تەمەن ٨ ساڵە دەستبەسەر کرا کە ١١ رۆژە لە گوندێکی دیاربەکر بێ سەروشوێن بووە.
گروپێکی چەهەپەیی جارێکی دیکە دوژمنیی خۆیان لە بەرامبەر ئیسلام نیشان دایەوە و لە عەنتاب وێنەی شەهید ئیسماعیل هەنییەیان هێنایە خوارەوە.